លោកស្រី ឡាំ ស៊ីហន ហៅ មួយ មានលោកឪពុកឈ្មោះ ឡាំ ហុងសាយ អ្នកម្ដាយឈ្មោះ ភូ យ៉ុង និងមានបងប្អូន៧នាក់។ បងស្រីទី១ឈ្មោះ ឡាំ ស៊ីហៀង បងស្រីទី២ឈ្មោះ ឡាំ ស៊ីឃំាង បងប្រុសទី៣ឈ្មោះ ឡំា ស៊ី ហៅឌីធំ បងទី៤ឈ្មោះ ឡាំ ស៊ី ហៅ ឌីតូច បងទី៥ឈ្មោះ ឡាំ ស៊ីង៉ លោកស្រី ឡាំ ស៊ីហន ហៅ មួយ ជាកូនទី៦ និងប្អូនទី៧ឈ្មោះ ឈ្មោះ ឡាំ ស៊ីខួន។
មុនឆ្នាំ១៩៧៥ បងស្រីទី១ ឡាំ ស៊ីហៀង មានស្វាមីជាអ្នកផលិតខ្សែភាពយន្ត។ លោកស្រី ឡាំ ស៊ីហៀងបានយកបងប្រុសទី៣ ឡំា ស៊ី ហៅឌី ធំ ទៅរស់នៅជាមួយលោកស្រី និងស្វាមី។ លោក ឡាំ ស៊ី ហៅឌីធំ ប្រកបរបរជាជាងម៉ូតូនៅទីនោះ។
១៧ មេសា ១៩៧៥ បងស្រីទី២ ឡាំ ស៊ីឃំាង ជាបុគ្គលិកពេទ្យ និងបានទៅធ្វើការដូចសព្វដង។ នៅថ្ងៃនោះ បងស្រី ឡាំ ស៊ីឃំាង ស្លៀកសំលៀកបំពាក់ពណ៌ឈាមជ្រូក។ ចាប់តាំងពីពេលនោះមក ក៏បាត់ដំណឹងបងស្រី ឡាំ ស៊ីហៀង បងប្រុស ឡាំ ស៊ី ហៅ ឌីធំ និងបងស្រី ឡាំ ស៊ីឃាំង រហូតមកដល់ពេលបច្ចុប្បន្ន។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកលោកស្រី ឡាំ ស៊ីហៀង លោក ឡាំ ស៊ី ហៅ ឌីធំ និងលោកស្រី ឡាំ ស៊ីឃាំង ដែលបានបែកគ្នាក្នុងសម័យសង្គ្រាម។ ប្រសិនបើ លោកស្រី ឡាំ ស៊ីហៀង លោក ឡាំ ស៊ី ហៅ ឌីធំ និងលោកស្រី ឡាំ ស៊ីឃាំង បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទាក់ទងមក កម្មវិធីមនុស្សធម៌ «នេះមិនមែនជាសុបិន» តាមរយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទាក់ទងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទាក់ទងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
