លោក ពៅ ជួប មានលោកឪពុកឈ្មោះ ពៅ ជា អ្នកម្តាយឈ្មោះ អ៊ុក ទូច និងមានបងប្អូនចំនួន ៤នាក់។ បងប្រុសទី១ឈ្មោះ ជា ចាប បងប្រុសទី២ឈ្មោះ ជា ចិន លោក ពៅ ជួប ជាកូនទី៣ និងប្អូនស្រីទី៤ឈ្មោះ ជិន ណារ៉ា ។
ឆ្នាំ១៩៦៣ លោក ពៅ ជួប បានយកប្អូនស្រី ជិន ណារ៉ា ទៅនៅជាមួយបងស្រីជីដូនមួយឈ្មោះ ជុំ លន់ ដែលមានមុខរបរជាជាងកាត់ដេរ និងមានស្វាមីឈ្មោះ សៅ ជុំ ជាយោធានៅតំបន់QZA ខេត្តបាត់ដំបង។ ប្រហែល៣ខែក្រោយមក ប្អូនស្រីទី៤ឈ្មោះ ជិន ណារ៉ា បានរៀបការជាមួយស្វាមីដែលធ្វើការនៅមន្ទីរ សាធារណការខេត្តបាត់ដំបង។ ក្រោយមកនៅឆ្នាំ១៩៦៣ លោកត្រូវបានគេបញ្ជូនពីខេត្តពោធិ៍សាត់ឲ្យទៅធ្វើការនៅខេត្តមណ្ឌលគិរី ប៉ុន្តែប្អូនស្រី ជិន ណារ៉ាមិនបានដឹងអំពីដំណឹងនេះនោះទេ។ ចាប់ពីពេលនោះមកក៏ លោក ពៅ ជួបបានបាត់ដំណឹងពីប្អូនស្រី ជិន ណារ៉ា រហូតដល់សព្វថ្ងៃនេះ។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកលោកស្រី ជិន ណារ៉ា ដែលបានបាត់ដំណឹងនៅឆ្នាំ១៩៦៣ ។ ប្រសិនបើ លោកស្រី ជិន ណារ៉ា បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទាក់ទងមក កម្មវិធីមនុស្សធម៌ «នេះមិនមែនជាសុបិន» តាមរយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទាក់ទងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទាក់ទងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
