លោកស្រី គ្រី សុខខុម មានលោកឪពុកឈ្មោះ ហេង គ្រី ធ្វើជាទាហានបើកយន្តហោះ អ្នកម្ដាយឈ្មោះ ឡុង យឿង និងមានបងប្អូនបង្កើតចំនួន៣នាក់។ លោកស្រី គ្រី សុខខុម ជាកូនទី១ ប្អូនស្រីទី២ឈ្មោះ គ្រី សុខឿន និងប្អូនស្រីទី៣ឈ្មោះ គ្រី សុខហេង ។
មុនឆ្នាំ១៩៧៥ គ្រួសារលោកស្រី គ្រី សុខខុម រស់នៅខេត្តបាត់ដំបង។ ក្នុងសម័យសង្គ្រាម លោកឪពុករបស់លោកស្រីបានបាត់ដំណឹងក្រោយពេលប៉ុលពតបញ្ជូនទៅរៀនសូត្រ ចំណែកអ្នកម្ដាយបានស្លាប់ដោយសារតែជំងឺ។ លោកស្រី គ្រី សុខខុម និងប្អូនស្រីទី២ឈ្មោះ គ្រី សុខឿន ត្រូវបានមីងម្នាក់ដែលរស់នៅក្បែរខាងយកទៅចិញ្ចឹម។ ក្រោយមក លោកស្រី គ្រី សុខខុម ត្រូវទៅរស់នៅក្នុងកងកុមារ និងបានសុំយកប្អូនស្រីទៅរស់នៅក្នុងកងជាមួយដែរ ប៉ុន្តែត្រូវមីងម្នាក់នោះបដិសេធ។ មុនពេលចាកចេញទៅ លោកស្រី គ្រី សុខខុមបានប្រគល់ស្បង់ជីពរមួយឲ្យទៅប្អូនស្រីសម្រាប់ស្លៀក។ ចាប់តាំងពីនោះមក លោកស្រី គ្រី សុខខុមបានបាត់ដំណឹងប្អូនស្រីទី២រហូតមកដល់បច្ចុប្បន្ន។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកលោកស្រី គ្រី សុខឿន ដែលបានបាត់ដំណឹងនៅក្នុងឆ្នាំ១៩៧៥ ។ ប្រសិនបើ លោកស្រី គ្រី សុខឿន បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទាក់ទងមក កម្មវិធីមនុស្សធម៌ «នេះមិនមែនជាសុបិន» តាមរយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទាក់ទងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទាក់ទងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
