លោកស្រី អាង ហ៊ួយ មានស្វាមីឈ្មោះ សៀវ ឆេងគាង និងមានកូនប្រុសពីរនាក់។ កូនប្រុសទី១ឈ្មោះ សៀវ អេងតិច និងកូនប្រុសទី២ឈ្មោះ សៀវ អេងមុន្នី។
ឆ្នាំ១៩៧៣ ដល់ឆ្នាំ១៩៧៥ គ្រួសារលោកស្រី អាង ហ៊ួយ បានផ្លាស់មករស់នៅភូមិអន្លង់វិល ខេត្តបាត់ដំបង ជាមួយសាច់ញាតិខាងស្វាមី។ ឆ្នាំ១៩៧៥ ដល់ឆ្នាំ១៩៧៩ គ្រួសារលោកស្រី អាង ហ៊ួយ ត្រូវបានជម្លៀសមករស់នៅភូមិសង្កែវាល ឃុំបរវិល ស្រុកថ្មគោល ខេត្តបាត់ដំបងជាមួយគ្រួសារខាងស្វាមីដដែល។
ឆ្នាំ១៩៧៩ លោកស្រី អាង ហ៊ួយ បានសុំគ្រួសារខាងស្វាមីទៅរស់នៅជាមួយឪពុកម្ដាយបង្កើតលោកស្រីវិញ។ ចាប់តាំងពីពេលនោះមកក៏បាត់ដំណឹងពីលោកស្រី អាង ហ៊ួយ រហូតដល់សព្វថ្ងៃ។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកលោកស្រី អាង ហ៊ួយ ដែលបានបាត់ដំណឹងនៅឆ្នាំ១៩៧៩ ។ ប្រសិនបើ លោកស្រី អាង ហ៊ួយ បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទាក់ទងមក កម្មវិធីមនុស្សធម៌ «នេះមិនមែនជាសុបិន» តាមរយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទាក់ទងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទាក់ទងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
