លោក ប្រាក់ ផន មានលោកឪពុកឈ្មោះ ប្រាក់ យុត អ្នកម្ដាយឈ្មោះ អាំ និងមានបងប្អូនចំនួន៦នាក់។
ឆ្នាំ១៩៧៧ លោកស្រី ប្រាក់ សារឿន និង ប្រាក់ ផន បាននាំគ្នារត់ទៅនៅជំរុំខៅដាវ។ រហូតដល់ឆ្នាំ១៩៧៩ អ្នករស់នៅក្នុងជំរុំបានចាប់ផ្ដើមវិលត្រលប់មកស្រុកខ្មែរវិញ។ លោក ប្រាក់ ផន បានប្រាប់ប្អូនស្រីថា លោកនឹងត្រឡប់ទៅស្រុកម៉ោងឫស្សីវិញហើយ។
នៅឆ្នាំ ១៩៩២ លោក ប្រាក់ ផន បានទាក់ទងទៅលោកស្រី ប្រាក់ សារឿន ម្ដង ដែលពេលនោះលោក ប្រាក់ ផន កំពុងរស់នៅខេត្តបាត់ដំបងដដែល។ ចាប់ពីពេលនោះមក លោកស្រី ប្រាក់ សារឿនបានបាត់ដំណឹងបងប្រុស ប្រាក់ ផន រហូតមកដល់សព្វថ្ងៃ។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកលោក ប្រាក់ ផន ដែលបានបាត់ដំណឹងក្នុងកំឡុងឆ្នាំ១៩៩២ ។ ប្រសិនបើ លោក ប្រាក់ ផន បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទាក់ទងមក កម្មវិធីមនុស្សធម៌ «នេះមិនមែនជាសុបិន» តាមរយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទាក់ទងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទាក់ទងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
