លោក គាំ ហ៊ិន មានលោកឪពុកឈ្មោះ ឃួន ឌិន អ្នកម្ដាយឈ្មោះ ប៉ុម សយ និងមានបងប្អូនចំនួន៣នាក់។ បងប្រុសទី១ឈ្មោះ គាំ បាន លោក គាំ ហ៊ិន ជាកូនប្រុសទី២ និងប្អូនស្រីទី៣ឈ្មោះ គាំ ម៉ាច។
ឆ្នាំ១៩៧៤ លោក គាំ ហ៊ិន បានមករស់នៅជាមួយលោកតាខាងឪពុក ឈ្មោះ តានី ម្ដុំអូរបែកក្អម ចំណែកបងប្អូន២នាក់ផ្សេងទៀតរស់នៅឯខេត្តកំពង់ស្ពឺ។
ចុងឆ្នាំ១៩៧៤ លោក គាំ ហ៊ិន បានដើរតាមផ្លូវនៅម្ដុំអូរបាក់រទេះ ហើយត្រូវបានគេចាប់ឡើងឡានដើម្បីធ្វើជាទាហានលន់នល់ និងបាត់ដំណឹងរហូតមកដល់សព្វថ្ងៃ។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកលោក គាំ ហ៊ិន ដែលបានបែកគ្នានៅឆ្នាំ១៩៧៤ ។ ប្រសិនបើ លោក គាំ ហ៊ិន បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទាក់ទងមក កម្មវិធីមនុស្សធម៌ «នេះមិនមែនជាសុបិន» តាមរយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទាក់ទងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទាក់ទងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
