លោក លីម សុធី មានលោកឪពុកឈ្មោះ លីម សុផល ហៅ ថូវ អ្នកម្ដាយឈ្មោះ នីម ជ្រុយ និងមានបងប្អូនចំនួន៥នាក់។ បងស្រីទី១ឈ្មោះ លីម ចាន់ថា បងប្រុសទី២ឈ្មោះ លីម ផាន់នី ហៅ ទ្រី បងស្រីទី៣ឈ្មោះ លីម សុវណ្ណ ហៅ ស៊្រន បងស្រីទី៤ឈ្មោះ លីម អូន និងលោក លីម សុធី ជាកូនទី៥។
ឆ្នាំ១៩៧៥ គ្រួសារលោក លីម សុធីត្រូវជម្លៀសចេញពីក្រុងភ្នំពេញទៅខេត្តក្រចេះ។ ក្រោយពេលសង្គ្រាមបានបញ្ចប់ គ្រួសារលោក លឹម សុធី ក៏នាំគ្នាវិលមកនៅទីក្រុងភ្នំពេញវិញ។
ឆ្នាំ១៩៨២ លោក លីម ផាន់នី មានអាយុប្រហែល១៦ឆ្នាំ បានចេញទៅរកស៊ីរត់ពន្ធនៅជំរុំខាវអ៊ីដាង និងមកលេងគ្រួសារជាធម្មតា។ ក្រោយមក លោក លីម ផាន់នី បានត្រឡប់មកយករូបថតលោកឪពុកអ្នកម្ដាយដើម្បីចេញទៅប្រទេសទីបី។។ ចាប់តាំងពីពេលនោះមក គ្រួសារក៏បានបាត់ដំណឹងលោក លីម ផាន់នីរហូតមកដល់បច្ចុប្បន្ន។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកលោក លីម ផាន់នី ដែលបានបាត់ដំណឹងក្នុងឆ្នាំ១៩៨២ ។ ប្រសិនបើ លោក លីម ផាន់នី បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទាក់ទងមក កម្មវិធីមនុស្សធម៌ «នេះមិនមែនជាសុបិន» តាមរយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទាក់ទងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទាក់ទងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
