លោក ម៉ាង ចាន់ថុល មាន លោកឪពុកឈ្មោះ មាន់ ម៉ាង អ្នកម្ដាយឈ្មោះ សួស សុខ និងមានបងប្អូនចំនួន៨នាក់។ បងស្រីទី១ឈ្មោះ ម៉ាង ចាន់ថន លោក ម៉ាង ចាន់ថុល ជាកូនទី២ ប្អូនប្រុសទី៣ឈ្មោះ ម៉ាង ចាន់ថា ប្អូនប្រុសទី៤ឈ្មោះ ម៉ាង ពុតថន ប្អូនស្រីទី៥ឈ្មោះ ម៉ាង ម៉ៅ ប្អូនស្រីទី៦ឈ្មោះ ម៉ាង ចិន្តា និងប្អូនប្រុសទី៦ឈ្មោះ ម៉ាង ចាន់ទី។
លោកស្រី ម៉ាង ចាន់ថន បានរៀបការជាមួយស្វាមីឈ្មោះ ហេង ស៊ីម ជាអ្នកបើកបររថយន្តដឹកទំនិញរបស់ក្រុមហ៊ុនជ្រុនយូហាក់ នៅខេត្តបាត់ដំបង។ ឆ្នាំ១៩៧៣ លោកស្រី ម៉ាង ចាន់ថន បានចេញទៅរស់នៅជាមួយប្ដីនៅខេត្តបាត់ដំបង។
ក្រោយពេលសង្គ្រាមបានបញ្ចប់ គ្រួសាររបស់លោក ម៉ាង ចាន់ថុល បានទទួលដំណឹងថា គ្រួសារបងស្រីទី១ឈ្មោះ ម៉ាង ចាន់ថន កំពុងតែរស់នៅក្រៅប្រទេស។ ប៉ុន្តែ ក្រោយពេលលោកឪពុកបានទទួលមរណភាពនៅក្នុងឆ្នាំ១៩៩២ គ្រួសាររបស់លោកក៏បានបាត់ដំណឹងពីបងស្រី ម៉ាង ចាន់ថន រហូតដល់សព្វថ្ងៃ។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកលោកស្រី ម៉ាង ចាន់ថន ដែលបានបាត់ដំណឹងក្នុងឆ្នាំ១៩៩២។ ប្រសិនបើ លោកស្រី ម៉ាង ចាន់ថន បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទាក់ទងមក កម្មវិធីមនុស្សធម៌ «នេះមិនមែនជាសុបិន» តាមរយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទាក់ទងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទាក់ទងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
