លោក កឺ ខើង ចាំបានថាលោកឪពុកឈ្មោះ កឺ។ ជាការសោកស្ដាយដែលអ្នកមិនបានចាំឈ្មោះរបស់អ្នកម្ដាយ និងបងប្អូនរបស់លោកបាន ប៉ុន្តែលោក កឺ ខើងចាំយ៉ាងប្រហាក់ប្រហែលថា លោកមានបងប្អូនប្រហែលជា៥ ឬ៦នាក់។
ឆ្នាំ១៩៧៤ លោកឪពុកបានធ្វើដំណើរទៅទីក្រុងភ្នំពេញដើម្បីធ្វើជាជាងជួសជុលគ្រឿងម៉ាស៊ីន ។ ឆ្នាំ១៩៧៥ លោកឪពុកបានមកលេងផ្ទះ និងបានយកលោក កឺ ខើង មកលេងភ្នំពេញ។ មកភ្នំពេញបានពីរខែ ពួកប៉ុលពតចូលមកដល់ក្រុងភ្នំពេញ និងបានជម្លៀសលោក និងលោកឪពុកចេញទៅស្រុកភ្នំស្រុក ខេត្តបាត់ដំបង។
ចាប់តាំងពីពេលនោះមក លោក កឺ ខើង បានបាត់ដំណឹងម្ដាយ និងបងប្អូនរបស់លោក រហូតមកដល់សព្វថ្ងៃ។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកអ្នកម្ដាយ និងបងប្អូនរបស់លោក កឺ ខើង ដែលបានបែកគ្នានៅក្នុងឆ្នាំ១៩៧៥។ ប្រសិនបើ អ្នកម្ដាយ និងបងប្អូនរបស់លោក កឺ ខើង បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទាក់ទងមក កម្មវិធីមនុស្សធម៌ «នេះមិនមែនជាសុបិន» តាមរយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទាក់ទងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទាក់ទងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
