លោកស្រី ទាប សារ៉ាត់ មានលោកឪពុកឈ្មោះ ទាប ឯក អ្នកម្ដាយឈ្មោះ អ៊ុក ធន និងមានបងប្អូនចំនួន៧នាក់។ បងស្រីទី១ឈ្មោះ ទាប សារ៉ែម បងស្រីទី២ឈ្មោះ ទាប សារ៉ាន់ បងប្រុសទី៣ឈ្មោះ ទាប អេន លោកស្រី ទាប សារ៉ាត់ ជាកូនទី៤ ប្អូនប្រុសទី៥ឈ្មោះ ទាប សារ៉ែន ប្អូនប្រុសទី៦ឈ្មោះ ទាប អូន និងប្អូនប្រុសទី៧ឈ្មោះ ទាប ជ្រឿន ។
ឆ្នាំ១៩៧៥ ក្នុងសម័យសង្គ្រាម គ្រួសារលោកស្រី ទាប សារ៉ាត់រស់ជួបជុំគ្នាទាំងអស់នៅក្នុងខេត្តកំពត ដោយលោកឪពុក និងអ្នកម្ដាយត្រូវចូលធ្វើជាកងចល័តមនុស្សចាស់ រីឯបង និងប្អូនៗឲ្យធ្វើជាកងកុមារ ប៉ុន្តែក្រោយមកលោកស្រី ទាប សារ៉ែម ត្រូវបានប៉ុល ពត ជម្លៀសតែម្នាក់ឯងទៅខេត្តតាកែវ ដើម្បីឲ្យចូលបម្រើនៅក្នុងកងទ័ពនារី ខាងផ្នែកពេទ្យ ។
ឆ្នាំ ១៩៧៦ ប៉ុល ពត បានជម្លៀសលោកឪពុក អ្នកម្ដាយ បង និងប្អូនៗផ្សេងទៀតពីខេត្តកំពតទៅខេត្ត តាកែវដែរ ប៉ុន្តែមិនបានជួបនឹងលោកស្រី ទាប សារ៉ាត់នោះទេ។ ចាប់តាំងពីពេលនោះមក លោកស្រី ទាប សារ៉ាត់ បានបាត់ដំណឹងបងស្រីទី១ឈ្មោះ ទាប សារ៉ែម រហូតមកដល់សព្វថ្ងៃ។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកលោកស្រី ទាប សារ៉ែម ដែលបានបែកគ្នានៅឆ្នាំ១៩៧៦។ ប្រសិនបើ លោកស្រី ទាប សារ៉ែម បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទាក់ទងមក កម្មវិធីមនុស្សធម៌ «នេះមិនមែនជាសុបិន» តាមរយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទាក់ទងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទាក់ទងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
