លោកស្រី មាស អៀប មានលោកឪពុកឈ្មោះ ព្រំ គឿន ហៅតាកើច មានប្រពន្ធឈ្មោះ អួន ទូច និងមានកូនស្រីចំនួនបីនាក់។ កូនស្រីទី ១ ឈ្មោះ មាស កំរង កូនស្រីទី ២ ឈ្មោះ មាស អៀប និងកូនស្រីទី ៣ ឈ្មោះ មាស ធីម។ គ្រួសារលោក ព្រំ គឿន រស់នៅក្នុងខេត្តតាកែវ។
ឆ្នាំ ១៩៧៥ ប៉ុល ពត បានជម្លៀសគ្រួសារ លោកស្រី មាស អៀប ទៅខេត្តកោះកុង។ នៅពេលទៅដល់ខេត្ត កោះកុង លោក ព្រំ គឿន ហៅ តាកើច ដែលត្រូវជាឪពុកត្រូវបានប៉ុល ពត ឲ្យធ្វើជាមេបញ្ជាការខាងកងចល័ត រីឯអ្នកម្ដាយ និងកូនៗចូលកងចល័ត ។
ឆ្នាំ ១៩៧៩ ពេលប្រទេសកំពុងត្រូវបានរំដោះ ពេលនោះអ្នកម្ដាយ អួន ទូច បានលួចទៅប្រាប់ដំណឹងស្វាមីថា ពួកប៉ុលពតនឹងយកគាត់ទៅសម្លាប់ចោល។ លោកឪពុក ព្រំ គឿន ហៅតាកើច ក្រោយពេលបានដឹងដំណឹងនេះក៏បានរត់ភៀសខ្លួន ដោយមិនបានផ្ដែផ្ដាំអ្វីសោះ និងបានបាត់ដំណឹងរហូតមកដល់បច្ចុប្បន្ន។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកលោក ព្រំ គឿន ហៅតាកើច ដែលបានបែកគ្នានៅឆ្នាំ១៩៧៩។ ប្រសិនបើ លោក ព្រំ គឿន ហៅ តាកើច បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទាក់ទងមក កម្មវិធីមនុស្សធម៌ «នេះមិនមែនជាសុបិន» តាមរយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទាក់ទងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទាក់ទងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
