លោកស្រី លី យ៉េក មានស្វាមីឈ្មោះ ទូច គឹមហុង និង មានកូនពីរនាក់ គឺកូនស្រីទី១ឈ្មោះ ទូច ស៊ីណែត និងកូនស្រីទី២ឈ្មោះ ទូច ស៊ីណាមុំ។
ឆ្នាំ១៩៧៧ លោក ទូច គឹមហុង រួមទាំងនិស្សិតទាំងអស់បាននាំគ្នាធ្វើមាតុភូមិនិវត្តន៍វិលត្រលប់ មកស្រុកកំណើតវិញ។ ពេលមកដល់ភ្នំពេញ លោក ទូច គឹមហុង និងនិស្សិតទាំងអស់ត្រូវបានពួកប៉ុលពតចាប់ដាក់គុកនៅសាលាបឹងត្របែក។ ពេលកងទ័ពរំដោះចូលដល់ភ្នំពេញ ពួកប៉ុលពតបានធ្វើការបែងចែកនិស្សិតជាក្រុមៗ ដោយក្នុងមួយក្រុមៗ មានមនុស្សចំនួន ១០នាក់ និងមានមេដឹកនាំជាប៉ុលពតម្នាក់ ហើយបានជម្លៀសក្រុមនិស្សិតទាំងអស់ទៅតាមរថភ្លើង។ ពេលរថភ្លើងបើកដល់ភូមិគាស់ក្រឡ ខេត្តពោធិ៍សាត់ ក៏បានប្រយុទ្ធគ្នាជាមួយកងរំដោះ។ ក្នុងការប្រយុទ្ធគ្នានោះ មានអ្នកខ្លះមានសំណាងបានរស់រៀនមានជីវិត អ្នកខ្លះស្លាប់ និងអ្នកខ្លះទៀតបានបាត់ដំណឹងរហូតដល់បច្ចុប្បន្ន។ ចាប់តាំងពីពេលនោះមក លោកស្រី លី យ៉េក បានបាត់ដំណឹងស្វាមីឈ្មោះ ទូច គឹមហុង រហូតមកដល់សព្វថ្ងៃ។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកលោក ទូច គឹមហុង ដែលបានបែកគ្នានៅឆ្នាំ១៩៧៩ ។ ប្រសិនបើ លោក ទូច គឹមហុង បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទាក់ទងមកកម្មវិធីមនុស្សធម៌ «នេះមិនមែនជាសុបិន» តាមរយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរកសាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀតនៅក្រោយសម័យសង្គ្រាម។ សូមទាក់ទងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទាក់ទងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
