លោកស្រី គិន ម៉ៅ មានស្រុកកំណើតនៅភូមិក្ដីត្នោត ឃុំធ្លក ស្រុកទ្រាំង ខេត្តតាកែវ។ លោកស្រី គិន ម៉ៅ មានលោកឪពុកឈ្មោះ គាំ គិន និងអ្នកម្ដាយឈ្មោះ ម៉ោញ យុន និងមានបងប្អូន៩នាក់។ បងប្រុសទី១ឈ្មោះ អ៊ំ ហេង បងប្រុសទី២ឈ្មោះ អ៊ំ គេន បងស្រីទី៣ឈ្មោះ អ៊ំ ឆេប បងប្រុសទី៤ឈ្មោះ គិន កាន់ បងស្រីទី៥ឈ្មោះ គិន ជ្រៀ បងស្រីទី៦ឈ្មោះ គិន យ៉ាត់ បងប្រុសទី៧ឈ្មោះ គិន គីម លោកស្រី គិន ម៉ៅ ជាកូនស្រីទី៨ និងប្អូនស្រីទី៩ឈ្មោះ គិន ច្រិប ។
ឆ្នាំ១៩៧៥ ប៉ុលពតបានជម្លៀសគ្រួសារលោកស្រី គិន ម៉ៅចេញពីខេត្តតាកែវទៅខេត្តពោធិ៍សាត់។ បងស្រី គិន ជ្រៀ និងបងស្រី គិន យ៉ាត់ បានវង្វេងបាត់ដំណឹង។
នៅចុងឆ្នាំ១៩៧៥ ក្រោយពីឪពុកបានស្លាប់ ពូ គង់ និង ពូ គន់ ជាប្អូនប្រុសម្ដាយបានមកសុំបងប្រុសទាំងពីរនាក់គឺបង គិន គីម និងបង អ៊ំ ឆេប យកទៅចិញ្ចឹមនៅក្នុងភូមិអន្លង់ក្រាយ ចំណែកលោកស្រី គិន ម៉ៅ អ្នកម្ដាយ ព្រមទាំងប្អូនស្រីពៅ រស់នៅក្នុងភូមិស្រះម្កាក់ ក្នុងខេត្តពោធិ៍សាត់។ ចាប់ពីពេលនោះមក លោកស្រី គិន ម៉ៅ បានបាត់ដំណឹងបងប្រុស គិន គីម រហូតមកដល់សព្វថ្ងៃ។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកលោក គិន គីម ដែលបានបែកគ្នានៅឆ្នាំ១៩៧៥។ ប្រសិនបើ លោក គិន គីម បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទាក់ទងមក កម្មវិធីមនុស្សធម៌ «នេះមិនមែនជាសុបិន» តាមរយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទាក់ទងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទាក់ទងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
