លោកស្រី ទ្រី ហុងណៃ មានលោកឪពុកឈ្មោះ អ៊ឹង ពេង អ្នកម្ដាយឈ្មោះ សុខ ម៉ន និងមានបងប្អូនចំនួន៨នាក់។ បងប្រុសទី១ឈ្មោះ ទ្រី សេងលី ហៅ សេង ឬ សុខ សារឿន បងប្រុសទី២ឈ្មោះ ទ្រី ម៉េងទ្រី លោកស្រី ទ្រី ហុងណៃ ជាកូនទី៣ ប្អូនប្រុសទី៤ឈ្មោះ ទ្រី វណ្ណី ប្អូនប្រុសទី៥ឈ្មោះ ទ្រី វណ្ណា ប្អូនប្រុសទី៦ឈ្មោះ ទ្រី ចន្ថា ប្អូនប្រុសទី៧ឈ្មោះ ទ្រី វណ្ណៈ និងប្អូនស្រីទី៨ឈ្មោះ ទ្រី សុខលាង ។
មុនឆ្នាំ១៩៧៥ គ្រួសារលោកស្រី ទ្រី ហុងណៃ រស់នៅជុំគ្នាក្នុងខេត្តតាកែវ ដោយប្រកបរបរ ធ្វើស្រែចម្ការ។
ឆ្នាំ១៩៧៥ ប៉ុលពតបានឲ្យបងប្រុសទី១ ទ្រី សេងលី ហៅ សុខ សារឿន និងបងប្រុសទី២ ទ្រី ម៉េងទ្រី ធ្វើជាទាហាន។ ចំណែកឪពុកម្ដាយ និងប្អូនប្រុសទី៤ ទ្រី វណ្ណី ប្អូនប្រុសទី៥ ទ្រី វណ្ណា ប្អូនប្រុសទី៦ ទ្រី ចន្ថា ព្រមទាំងលោកស្រី ទ្រី ហុងណៃ ត្រូវពួកប៉ុលពតជម្លៀសទៅអង្គរបុរី ខេត្តតាកែវ ។
ឆ្នាំ១៩៧៩ គ្រួសារលោកស្រី ទ្រី ហុងណៃ បានជួបជុំគ្នាវិញ ប៉ុន្តែទាហានប៉ុលពតបានឲ្យលោក ទ្រី សេងលី ហៅ សុខ សារឿន ឲ្យចូលធ្វើទាហានវិញ បើមិនដូច្នេះទេ គេនឹងសម្លាប់ឪពុក។ ដូច្នេះ បងប្រុស ទ្រី សេងលី ក៏សុខចិត្តកាន់អាវុធទៅធ្វើជាទាហានម្ដងទៀត ។
ឆ្នាំ១៩៨២ បងប្រុស ទ្រី សេងលី រស់នៅជំរំណងចាន់ និងមានប្រពន្ធថ្មីមួយទៀតឈ្មោះ រ៉ា។ នៅក្នុងជំរំណងចាន់ បងប្រុស ទ្រី សេងលី ត្រូវប្ដូរឈ្មោះជា សុខ សារឿន វិញ។ ចាប់តាំងពីថ្ងៃនោះមក គ្រួសារ លោកស្រី ទ្រី ហុងណៃបាត់ដំណឹងពីបងប្រុស ទ្រី សេងលី ហៅ សេង ឬ សុខ សារឿន មករហូតដល់បច្ចុប្បន្ន។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកលោក ទ្រី សេងលី ហៅ សេង ឬ សុខ សារឿន ដែលបានបែកគ្នានៅឆ្នាំ១៩៨២។ ប្រសិនបើ លោក ទ្រី សេងលី ហៅ សេង ឬ សុខ សារឿន បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទាក់ទងមក កម្មវិធីមនុស្សធម៌ «នេះមិនមែនជាសុបិន» តាម រយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទាក់ទងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទាក់ទងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
