លោកស្រី រាជ អ៊ុន មានលោកឪពុកឈ្មោះ រាជ អ្នកម្ដាយឈ្មោះ វិន និងមានបងប្អូន៤នាក់។ លោកស្រី រាជ អ៊ន ជាកូនស្រីទី១ ប្អូនប្រុសទី២ឈ្មោះ រាជ ណុប ប្អូនប្រុសទី៣ ឈ្មោះ រាជ សាយ និងប្អូនប្រុសទី៤ ឈ្មោះ រាជ សៀង។ លោកស្រី រាជ អ៊នមានស្វាមីឈ្មោះ ស្វាយ ស៊ុន ។
មុនឆ្នាំ១៩៦៨ លោក ស្វាយ ស៊ុន និងភរិយា រាជ អ៊ន ព្រមជាមួយកូនៗ រស់នៅជុំគ្នាជាមួយនឹងសាច់ញាតិខាងប្រពន្ធ។ ក្រោយមក លោក រាជ ណុប បានរៀបការជាមួយភរិយាឈ្មោះសម្បត្តិ។
ឆ្នាំ១៩៦៨ លោក ស្វាយ ស៊ុន បាននាំភរិយាឈ្មោះ រាជ អ៊ុន និងកូនៗ ទៅរស់នៅឯស្រុកកំណើតខ្លួននៅខេត្តកំពតវិញ។ ចាប់ពីពេលនោះមកលោក ស្វាយ ស៊ុន បានបែកពីប្អូនថ្លៃទី២ឈ្មោះ រាជ ណុប រហូតមកដល់បច្ចុប្បន្ន។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកលោក រាជ ណុប ដែលបានបែកគ្នានៅឆ្នាំ១៩៧៨។ ប្រសិនបើ លោក រាជ ណុប បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទាក់ទងមក កម្មវិធីមនុស្សធម៌ «នេះមិនមែនជាសុបិន» តាម រយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទាក់ទងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទាក់ទងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
