លោកស្រី ផ្លុង សាវ័ន មានលោកឪពុកឈ្មោះ រស់ ផ្លុង អ្នកម្ដាយឈ្មោះ អៀប អ៊ុស និងមានបងប្អូនចំនួន ៦នាក់។ បងស្រីទី១ឈ្មោះ ផ្លុង អឿន បងប្រុសទី២ឈ្មោះ ផ្លុង ង៉ែត បងស្រីទី៣ឈ្មោះ ផ្លុង យឿន បងស្រីទី៤ឈ្មោះ ផ្លុង វណ្ណា បងប្រុសទី៥ឈ្មោះ ផ្លុង រៀល និងលោកស្រី ផ្លុង សាវ័ន ជាកូនទី៦ ។
មុនសម័យសង្គ្រាម គ្រួសារលោកស្រី ផ្លុង សាវ័នរស់នៅខេត្តកំពង់ចាម។ លោកឪពុក ធ្វើជាទាហាន ចំណែកអ្នកម្ដាយជាស្ត្រីមេផ្ទះ។ បងស្រីទី១ឈ្មោះ ផ្លុង អឿន បានមករស់នៅទីក្រុងភ្នំពេញ។ ចំណែកបងប្អូនទាំង៥នាក់ រស់នៅជាមួយឪពុកម្ដាយ។ ក្រោយមក ឪពុក ម្តាយលោកស្រី បានចែកផ្លូវគ្នា លោកឪពុកបានសម្រេចចិត្តយកកូនទាំង៦នាក់មកចិញ្ចឹមចំណែកអ្នកម្ដាយបានប្ដូរទៅរស់នៅខេត្តព្រះសីហនុតែម្នាក់ឯង។ បងស្រីទី១ ផ្លុង អឿន ដែលរស់នៅទីក្រុងភ្នំពេញ មិនបានមកលេងស្រុកកំណើតទេ ព្រោះបងស្រីមានផ្ទៃពោះ និងរហូតដល់ប៉ុលពតចូលកាន់កាប់ទីក្រុងភ្នំពេញ ក៏បានបាត់ដំណឹងបងស្រី ផ្លុង អឿន រហូតមកដល់សព្វថ្ងៃ ។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកលោកស្រី ផ្លុង អឿន ដែលបានបែកគ្នានៅឆ្នាំ១៩៧៥។ ប្រសិនបើ លោកស្រី ផ្លុង អឿន បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទាក់ទងមក កម្មវិធីមនុស្សធម៌ «នេះមិនមែនជាសុបិន» តាម រយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទាក់ទងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទាក់ទងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
