លោកស្រី ហូ ទូច មានឪពុកឈ្មោះ សៅ ម្ដាយមិនចាំឈ្មោះ និងមានបងប្អូនចំនួន៤នាក់។ លោកស្រី ហូ ទូច ហៅ វ៉េ ជាកូនទី១ កូនទី២ឈ្មោះ យេ កូនទី៣ឈ្មោះ លាង កូនទី៤ឈ្មោះ ម៉ាច។ លោកស្រី លាង មានប្ដីឈ្មោះ សយ មានកូនស្រីម្នាក់ និងរស់នៅក្រោយរោងល្ខោន គីឡូលេខ៦ កាលពីមុនសម័យសង្គ្រាម។
ឆ្នាំ១៩៦០ លោកស្រី ហូ ទូច ក៏បានរៀបការជាមួយលោក ងិល ជាតៃកុងឡានរត់តាក់ស៊ី។ នៅចន្លោះឆ្នាំ១៩៧០-១៩៧៣ ប្អូនទី៣ឈ្មោះ លាង តែងតែទាក់ទងមកលេងម្ដងស្ទើររាក់ខែ។
ឆ្នាំ១៩៧៣ លោកស្រី ហូ ទូចបានប្ដូរទៅរស់នៅឯខេត្តបាត់ដំបង ដើម្បីទៅតាមស្វែងរកស្វាមី ដែលមិនអាចត្រឡប់មកភ្នំពេញវិញបាន ដោយសារតែផ្លូវធ្វើដំណើរត្រូវបានកាត់ផ្ដាច់។ ចាប់តាំងពីនោះមក លោកស្រី ហូ ទូច បានបែកពីប្អូនស្រីទី៣ឈ្មោះ លាង រហូតមកដល់បច្ចុប្បន្ន។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកលោកស្រី លាង ដែលបានបែកគ្នានៅក្នុងឆ្នាំ១៩៧៣។ ប្រសិនបើ លោកស្រី លាង បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទំនាក់ទំនងមក កម្មវិធីមនុស្សធម៌ «នេះមិនមែនជាសុបិន» តាម រយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទំនាក់ទំនងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទំនាក់ទំនងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
