លោកស្រី តែ សុខខេង មានស្វាមីឈ្មោះ ខែ សារ៉ាន និងមានកូនបីនាក់។ កូនប្រុសទី១ ឈ្មោះ រ៉ាន ស៊ីណាត កូនប្រុសទី២ ឈ្មោះ រ៉ាន រូហ្សា កូនប្រុសនិងទី៣ ឈ្មោះ រ៉ាន សាឌីន ។
លោកស្រី តែ សុខខេង ជាសិស្សសាលាបានទៅលេងក្រុងព្រះសីហនុជាមួយមិត្តភ័ក្ដិប្រហែលជា៣ ឬ៤ថ្ងៃ មិនថ្ងៃទី១៧ មេសា ១៩៧៥។ លុះពេលត្រលប់មកវិញគឺចំថ្ងៃ១៧មេសា នៅពាក់កណ្ដាលផ្លូវពួកគាត់ត្រូវប៉ុលពតស្ទាក់ផ្លូវនៅម្ដុំស្រុកព្រៃនប់ និងបានបញ្ជូនធ្វើជាកងចល័តនៅស្រុកព្រៃនប់។ ក្នុងពេលរស់នៅក្នុងសម័យសង្គ្រាម លោកស្រី តែ សុខខេង បានទទួលការជួយមើលថែរក្សាពីគ្រួសារប្អូនស្រីធម៌ឈ្មោះ ថន។ ក្រោយពេលប្រទេសមានសន្តិភាព លោកស្រី តែ សុខខេងបានធ្វើដំណើរមកស្វែងរកគ្រួសារ និងបានបាត់ដំណឹងប្អូនស្រីធម៌ឈ្មោះ ថន រហូតមកដល់បច្ចុប្បន្ន។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកលោកស្រី ថន ដែលបានបែកគ្នានៅក្នុងឆ្នាំ១៩៧៩។ ប្រសិនបើ លោកស្រី ថន បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទំនាក់ទំនងមក កម្មវិធីមនុស្សធម៌ «នេះមិនមែនជាសុបិន» តាម រយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទំនាក់ទំនងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទំនាក់ទំនងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
