លោក សន សារឹម មានលោកឪពុកឈ្មោះ សន សុន និងអ្នកម្ដាយឈ្មោះ សំរិទិ្ធ ផង់ និងមានបងប្អូន៥នាក់។ បងទី១ ឈ្មោះ សន ស្រីថាន បងទី២ ឈ្មោះ សន ណារិន លោក សន សារឹម ជាកូនទី៣ ប្អូនទី៤ឈ្មោះ សន សារុំ និងប្អូនទី៥ ឈ្មោះ សន ស្រីអឿន ។
១៧ មេសា ១៩៧៥ សមាជិកគ្រួសាររបស់លោក សន សារឹម ត្រូវជម្លៀសចេញផ្សេងៗពីគ្នា ដោយសារតែ សមាជិកគ្រួសាររស់នៅផ្ទះផ្សេងៗគ្នា។ លោក សន សារឹម និងភរិយា រស់នៅផ្ទះជាមួយអ្នកម្ដាយ និងលោកឪពុក។ លោក សន សារឹម មិនបានដឹងដំណឹងរបស់សមាជិកគ្រួសារផ្សេងទៀតរហូតមកដល់បច្ចុប្បន្ន។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកលោកស្រី សន ស្រីថាន លោកស្រី សន ណារិន លោកស្រី សន សារុំ និងលោកស្រី សន ស្រីអឿន ដែលបានបែកគ្នានៅក្នុងឆ្នាំ១៩៧៥។ ប្រសិនបើ លោកស្រី សន ស្រីថាន លោកស្រី សន ណារិន លោកស្រី សន សារុំ និងលោកស្រី សន ស្រីអឿន បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទំនាក់ទំនងមក កម្មវិធីមនុស្សធម៌ «នេះមិនមែនជាសុបិន» តាម រយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទំនាក់ទំនងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទំនាក់ទំនងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
