លោក ជ្រឹង យឿន បានរៀបការជាមួយលោកស្រី ពៅ សុខខុម នៅឆ្នាំ១៩៨១ និងទទួលបានកូនពីរនាក់។ កូនទី១ ឈ្មោះ ជឹម សុខា ហៅ ឡាច កូនទី២ ឈ្មោះ ជឹម សុខាន់ ។
លោក ជ្រឹង យឿង និងភរិយាបានរស់នៅក្នុងជំរំសាយប៊ី និងបានផ្ដល់កំណើតដល់កូនប្រុសទាំង២នៅក្នុងជំរំផងដែរ។ ឆ្នាំ១៩៨៦ លោក ជ្រឹង យឿន បានមកបំពេញការងារនៅខេត្តកំពង់ចាម និងមិនអាចត្រលប់ទៅជំរំសាយប៊ីវិញ។ឆ្នាំ១៩៩២ លោក ជ្រឹង យឿនបានទៅជំរំសាយប៊ី ដើម្បីជួបគ្រួសារ ប៉ុន្តែភរិយារបស់លោកមានគ្រួសារថ្មីទៀត ទើបលោក ជ្រឹង យឿងសម្រេចចិត្តសុំយកកូនទាំងពីរមកចិញ្ចឹម ប៉ុន្តែលោក ជឹម សុខា ជាកូនប្រុសទី១មិនបានមកទេ ព្រោះកូនប្រុសចង់រស់នៅជាមួយយាយ ពៅ ឡេង និងអ៊ំប្រុស ជឹម លី។ ចាប់តាំងពីពេលនោះមក លោក ជ្រឹង យឿន បានបែកពីកូនប្រុស ជឹម សុខា រហូតមកដល់ពេលបច្ចុប្បន្ន ។
កម្មវិធីមនុស្សធម៌ «នេះមិនមែនជាសុបិន» សូមប្រកាសស្វែងរកលោក ជឹម សុខា ដែលបានបែកគ្នានៅក្នុងឆ្នាំ១៩៩២។ ប្រសិនបើ លោក ជឹម សុខា បានឃើញការប្រកាសស្វែងរក ឬលោកអ្នកដែលបានដឹងដំណឹងនេះ សូមទំនាក់ទំនងមក កម្មវិធីមនុស្សធម៌ «នេះមិនមែនជាសុបិន» តាម រយៈទូរស័ព្ទលេខ ០៩៧៥ ០៩៧ ០៩៧។
កម្មវិធីមនុស្សធម៌ «នេះមិនមែនជាសុបិន» ផ្ដល់សេវាកម្ម ឥតគិតថ្លៃជូនប្រជាជនកម្ពុជាក្នុងការស្វែងរក សាច់ញាតិ ដែលបានបែកគ្នាក្នុងសម័យសង្គ្រាម ឬបានបែកគ្នាដោយសារមូលហេតុផ្សេងៗជាច្រើនទៀត នៅក្រោយសម័យសង្គ្រាម។ សូមទំនាក់ទំនងមកកម្មវិធីយើងខ្ញុំតាមទូរស័ព្ទលេខ ០៩៧៥ ០៩៧ ០៩៧ រៀងរាល់ម៉ោងធ្វើការ ចាប់ពីថ្ងៃច័ន្ទដល់ថ្ងៃសុក្រ វេលាម៉ោង៨ដល់១២ថ្ងៃត្រង់ និងម៉ោង២ដល់ម៉ោង៥ល្ងាច ឬមកទំនាក់ទំនងដោយផ្ទាល់នៅអគ្គនាយកដ្ឋានវិទ្យុ និងទូរទស្សន៍បាយ័ន៕
